السلام علیکم ،
ایک ہاؤس وائف ہونے کی حیثیت سے میری پسند کا مقابلہ یہی ہے۔جہاں میں مزیدار کھانوں کی ترکیبیں اپ کے ساتھ شیئر کر سکتی ہوں۔میں امید کرتی ہوں کہ جو سالن میں نے بنایا اپ کو وہ ضرور پسند ائے گا۔یہ بہت اسان ہے مگر دیر سے پکنے والا کھانا ہے۔کیونکہ ہمارے ملک میں ایک کہاوت مشہور ہے،
کڑھی،کریلا،مچھلی
جتنی پکائو اتنی اچھی
اس کا مطلب یہ ہوا کہ یہ تینوں چیزیں ایسی ہیں جن کو جتنا دیر پکایا جائے اتنا ان کا ذائقہ اچھا نکلتا ہے۔یہی وجہ ہے کہ میں نے جو ریسپی اپ کے ساتھ شیئر کی ہے اس کو بھی کم از کم تین سے چار گھنٹے کا پکنے کا ٹائم چاہیے۔میری ریسپی کا نام ہے
کڑھی
یہ ایسا کھانا ہے جس کو چاولوں کے ساتھ بھی کھایا جا سکتا ہے اور روٹی اور پراٹھے کے ساتھ کھائیں تو اس کا مزہ الگ محسوس ہوتا ہے۔میں نے جب پکائی تو میرے بچوں نے ابلے ہوئے چاولوں کی فرمائش کی لہذا میں نے اپ کو چاولوں کے ساتھ اس کا ذائقہ ٹیسٹ کرنے کا مشورہ دیا ہے۔
اس کو پکانے کے لیے سب سے پہلے مصالحہ تیار کیا جاتا ہے۔جو کہ ایک چمچی زیرہ
ادھی چمچی میتھی دانہ
( ان چیزوں کو باریک پیس لیں)
تین چمچی نمک
دو چمچی مرچیں پسی ہوئی
دو چمچے پسی ہوئی ہلدی
لہسن پسا ہوا
دہی ایک کلو
بیسن ایک کپ
سب سے پہلے ایک کپ ائل لے کے اس کے اندر تمام مصالحے فرائی کر لیں اور دہی اور بیسن کو اپس میں گرائنڈ کر کے پتلا سا شوربہ بنا لیں اور وہ بھی اس ائل میں شامل کر دیں۔یاد رہے کہ پانی زیادہ رکھنا ہے تاکہ اس کو پکنے کا موقع ملے۔اور چمچہ مستقل چلانا ہے کیونکہ اگر چمچہ نہ چلائیں تو مصالحے میں گٹھلی بن جاتی ہے۔اس کے علاوہ ابال انے کا بھی خدشہ ہوتا ہے۔جب ایک دفعہ سالن پکنا شروع ہو جائے تو سالن کی انچ ہلکی کر دیں اور تھوڑا سا ڈھکنا کھول کے پکنے کے لیے چھوڑ دیں۔
اب اس مصالحے کو کم از کم تین سے چار گھنٹے کے لیے ہلکی انچ پر پکائیں اور تھوڑی تھوڑی دیر بعد چمچہ چلاتے رہیں۔جب مصالحہ پک کے گاڑھا ہو جائے تو پکوڑے تیار کریں اور وہ بھی گرم گرم مصالحے میں ڈالنا شروع کر دیں۔پکوڑوں کی ترکیب درج ذیل ہے۔
پیاز دو عدد
دو ہری مرچیں
ہرا دھنیا
باریک کٹے ہوئے الو
نمک دو چمچی
مرچیں ایک چمچی
زیرہ ایک چمچی
یہ تمام اجزاء ادھا کلو بیسن میں ڈال کے تھوڑا سا پانی ڈال کے گاڑھا سا پیسٹ بنا لیں اور گرم ائل میں پکوڑے تل لیں۔جب پکوڑے اچھی طرح پک جائیں تو گرم گرم پکوڑے گرم کڑھی میں ڈال دیں۔ائل میں سے نکالتے کے ساتھ ہی پکوڑوں کو کڑھی میں ڈالنے سے پکوڑے اچھی طرح کڑی پی لیتے ہیں۔جب کڑھی پکوڑوں کے اندر جذب ہو جاتی ہے تو وہ نرم ہو جاتے ہیں اور بہت ذائقے دار محسوس ہوتے ہیں۔
جب کڑھی میں پکوڑے ڈل جائیں تو سارا ائل کسی برتن میں نکال لیں اور تھوڑا سا ائل پین میں رہنے دیں۔اب بچے ہوئے ائل میں ادھی چمچی زیرہ اور چار پانچ ثابت لال مرچیں ڈال کر فرائی کر لیں۔اب یہ امیزہ تیار کڑھی میں بگھار کے طور پہ ڈال دیں۔
الگ پتیلی میں چاول ابال لیں اور کڑھی کو چاولوں کے اوپر ڈال کر کھائیں۔
مزیدار کڑھی چاول تیار ہیں۔
میری خواہش ہے کہ اپ ساتھی اپنے گھر میں اس ریسپی کو ٹرائی کریں اور جیسی بنے مجھے بھی بتائیں۔
میں اس ذائقے دار مقابلے میں اپنے ایسے ساتھیوں کو دعوت دینا چاہتی ہوں جو بہت لذیذ کھانے پکایا کرتے ہیں۔@suryati,@uzma4882,@tamanna